ԵՐԵՎԱՆ, 31 ՄԱՅԻՍԻ, Panorama.am: Անտոնիո Կոնտեն մեկնաբանել է իր նշանակումը իտալական «Ինտերի» գլխավոր մարզչի պաշտոնում։

«Իմ կյանքում սկսվում է նոր էտապ, ես շատ հուզված եմ։ Կփորձեմ իմ աշխատանքով արդարացնեմ ակումբի ղեկավարության վստահությունը։ «Ինտերի» օգտին ընտրություն եմ կատարել, որովհետև թիմն ունի ամուր հիմք, և ակումբը շատ հավակնոտ է»,- sport24.ru-ի հաղորդմամբ՝ հայտարարել է Կոնտեն։

Կոնտեն նախկինում աշխատել է «Յուվենտուսում», Իտալիայի հավաքականում և «Չելիսում»։ ԶԼՄ-ների տվյալներով, 49-ամյա մասնագետի հետ պայմանագիրը նախատեսված է մինչև 2022 թվականը։