Բագրատյանի «օֆշորային» նախագիծը ԱԺ

Այս երկուշաբթի սկսվելու է ԱԺ հինգերորդ գումարման վերջին քառօրյան։ Այս մասին գրում է «Հայկական ժամանակ» թերթը եւ հավելում. «Եթե օրենսդիրները հասցնեն սպառել քաղաքական եւ տնտեսական օրակարգում առկա բոլոր հարցերը, ապա կանցնեն ամառային հանգստի։

Օրակարգային հարցերը չսպառելու դեպքում, իհարկե, արտահերթ նիստ կհրավիրվի։ Մինչ այդ հունիսի 10-13-ի քառօրյայում ընդգրկվել է միջազգային 25 պայմանագիր եւ 60 հարց։ Պատգամավոր Հրանտ Բագրատյանի ներկայացրած «Օֆշորային գոտիներում գրանցված ընկերությունների գործունեությունը ՀՀ հանքարդյունաբերության ոլորտում կարգավորելու մասին» նախագիծը օրակարգ չի մտել, ստացել է բացասական եզրակացություն»»,- գրում է «Հայկական ժամանակը» (Մանրամասները՝ թերթի այսօրվա համարում):

Հետևեք մեզ նաև Telegram-ում