«Իրատես». «Իմ քայլում» առանձին խոսակցության թեմա, որ սորոսականները չեն մասնակցել դատարանների ակցիային

«Իրատես» թերթը գրում է. ««Իմ քայլում» բավականին անհանգիստ վիճակ է, մանավանդ վարչապետ Փաշինյանի` դատարանների դռները փակելուց, սահմանադրական կարգը խախտելուց հետո։ Ի դեպ, նույն օրը ԱԺ միջանցքում միմյանց հանդիպած դատարանների դռները «փակած» երկու քայլարածներ, բավականին պատկառելի հանձնաժողովից, միմյանց հարցրել են. «Ի՞նչ կա, ոնց ես, դու էլ փակի՞ր»։ «Դե ոնց պտի լինեմ էսքանից հետո, հա՜ գնացի, սա անելու բան չէր։ Չգիտեմ ոնց ենք տակից դուրս գալու»: «Հա, բայց պետք է ժպտանք, ցույց տանք, որ ամեն ինչ օքեյ է»:

«Իմ քայլում» առանձին խոսակցության թեմա է նաև այն, որ սորոսականները չեն մասնակցել այդ ակցիային, քանզի «համապատասխան» գրասենյակից հրահանգ են ստացել չմասնակցել ոչ մի դեպքում, որովհետև «հետևանքները» հաշված են եղել բոլոր առումներով. նրանց գիտությամբ են միջազգային կառույցները վրա քշել առանց այն էլ Ռուսաստանին «սեր» խոստացող Փաշինյանի վրա: Ի դեպ, իմքայլականները կենդանական վախ ունեն Քոչարյանի վերադարձից. «Հետ եկավ` սաղիս փուռը կտա»,- բացահայտ ասում են նրանք»:

Մանրամասները թերթի այսօրվա համարում: