ԵՐԵՎԱՆ, 14 ՀՈՒՆԻՍԻ, ԱՐՄԵՆՊՐԵՍ: Իտալական «Միլան»-ի նախկին ֆուտբոլիստ Պաուլո Մալդինին նոր պաշտոնը է ստացել նախկին ակումբում:
«Արմենպրես»-ի հաղորդմամբ` այս մասին հայտնում է ակումբի պաշտոնական կայքը: Մալդինին այսուհետ կլինի «Միլան» ակումբի տեխնիկական տնօրենը: Ավելի վաղ նա թիմում աշխատում էր որպես մարզական զարգացման բաժնի տնօրենը:
Պաուլո Մալդինին իր ամբողջ պրոֆեսիոնալ կարիերան անցկացրել էր «Միլան»-ում` 1985 թվականից մինչև 2009 թվականները: Մասնակցել է ընդհանուր առմամբ 647 խաղի` խփել 29 գնդակ:
Իտալիայի հավաքականի կազմում Մալդինին հանդես է եկել 1988-2002 թվականներին և հեղինակել է 7 գնդակ:
