ԲՀԿ առաջնորդ Գագիկ Ծառուկյանը ԲՀԿ խմբակցությունում ավանդական նիստ գումարելուց հետո պատասխանեց լրագրողների հարցերին, որոնք գրոհել էին խմբակցության մուտքը: Մասնավորապես հետաքրքրում էր այն հաարցը, թե որքանով են հավաստի շրջանառվող լուրերը, որ ինքը’ Գ.Ծառուկյանը, արգելել է կուսակցականներին ու մասնավորապես Նաիրա Զոհրաբյանին շփվել լրագրողների հետ.
«Նիստում էլ ինձ ասացին, որ այդ թեմայով լուրեր կան… առաջինը ոչ մի ղեկավար իրավունք չունի իր թիմակիցներին արգելելու, հակառակը’ նա պետք է հարգի իր թիմակիցներին, նրանց լսի, որ ճիշտ որոշումներ կայացնի»,- Panorama.am-ի փոխանցմամբ լրագրողներին ասել է Գագիկ Ծառուկյանը:
Ինչ վերաբերում է Ն.Զոհրաբյանի անվան շուրջ շրջանառվող լուրերին, ԲՀԿ առաջնորդը նշել է, որ պատգամավորը Հայաստանին իր նվիրվածությամբ մեծ աշխատանք է կատարում եվրախորհրդարանում:
Ծառուկյանը ցանկություն է հայտնել, որ Ն.Զոհրաբյանի նման պատգամավորներ շատ լինեն, որոնք մտածեն ու պայքարեն իրենց երկրի հեղինակության համար:
