Մխիթարյանն ընկերական խաղում չի իրացրել 11-մետրանոց հարվածը
01/08/2019 11:03
Նմանատիպ
ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ: Հայաստանի ֆուտբոլի ազգային թիմի ավագ Հենրիխ Մխիթարյանը մասնակցել է «Արսենալ»-ի հերթական ընկերական խաղին:
«Արմենպրես»-ի հաղորդմամբ` Ֆրանսիայում կայացած ընկերական խաղում «Արսենալ»-ն ուժերը չափեց «Անժե»-ի հետ: Հանդիպումն ավարտվեց ոչ-ոքի` 1:1 հաշվով:
63-րդ րոպեին փոխարինման մտած Հենրիխ Մխիթարյանը չկարողացավ իրացնել 11-մետրանոց հարվածը:
Անգլիայի առաջնության` Պրեմիեր լիգայի նոր մրցաշրջանի առաջին խաղում` օգոստոսի 11-ին, «Արսենալ»-ն արտագնա խաղում կմրցի «Նյուքասլ»-ի հետ:
