-4.9 C
Yerevan

«Ժողովուրդ». Առողջապահության նախարարությունում կոռուպցիան շարունակվում է

Նմանատիպ

Նոր լայնածավալ հարձակում Ուկրաինայում․միջազգային ամփոփ լրահոս

Տարածաշրջանային և միջազգային կարևոր զարգացումները Times.am-ի դիտակետից։ Ի՞նչ է...

Ադրբեջանն ամբողջությամբ անջատել է Արցախի գազամատակարարումը

Ադրբեջանն ամբողջությամբ անջատել է Հայաստանից Արցախ գազամատակարարումը: Դրանով պայմանավորված՝...

Ռուսաստանում կարող է ևս 500 հազար մարդ մոբիլիզացվել

Ուկրաինայի ռազմածովային ուժերի շտաբի պետի տեղակալ Անդրեյ Ռիժենկոն հայտարարել...

«Երբ նախորդ տարի Երևանի «Նորք» ինֆեկցիոն հիվանդանոցի տնօրեն նշանակվեց Մհեր Դավիդյանցը, մեծ աղմուկ բարձրացավ: Մամուլում հրապարակումներ եղան, որ Դավիդյանցը առողջապահության նախարար Արսեն Թորոսյանի մտերիմ ընկերն է: Ավելին՝ նշանակումից կարճ ժամանակ անց, հենց նախարարի հրամանով, ընկերոջ` Դավիդյանցի աշխատավարձը 350 հազար դրամից դարձավ 710 հազար դրամ, թերևս որպեսզի կլինիկայի տնօրենը հանկարծ աչքն աջուձախ չգցի:

Անցած տարվա հոկտեմբերի 14-ին նախարար Թորոսյանը, հավաքելով բոլոր հիվանդանոցների տնօրեններին մի հարկի տակ, խստիվ զգուշացրեց. «Պետք է մեկընդմիշտ ֆիքսենք, որ հարկատուների վճարումներից գոյացած պետբյուջեի միջոցները չպետք է գողացվեն կամ վատնվեն` անկախ զբաղեցրած դիրքից, սեփականության ձևից: Հարկատուների միջոցները սուրբ միջոցներ են, և դրանց նկատմամբ ոտնձգությունները աշխարհում ու նաև Հայաստանում այսուհետ համարվելու է ծանր հանցագործություն: Սա սպառնալիք չէ, այլ սկզբունքի որդեգրում…»:

Բայց ավելի քան 1 տարի անց, փաստ է, որ նախարարին ականջալուր չեն հենց նրա նշանակած կադրերը: ArmLur.am լրատվականին տրամադրել են մի տեսանյութ, որում «Նորք» ինֆեկցիոն հիվանդանոցի աշխատակիցը տնօրեն Մհեր Դավիդյանցի հետ աշխատանքային հարցեր քննարկելիս նրանից հարցնում է, թե ինչ անի այն փողը, որը գոյացել է «այլ ծախսերի» անվան տակ. ձևակերպված և դուրս գրված 100 հազար դրամից հրահանգ կա 25 հազարական դրամ հետ հավաքել, դնել սեյֆում: Ում համար` տեսանյութից պարզ չի դառնում: Բայց հասկանալի է, որ սեյֆում պահվող գումարը տնօրենի ծախսելիքը չէ, այլ, ըստ ամենայնի, ինչ-որ մեկին փոխանցելու համար:

Ում համար էր տնօրեն-ընկերը գումար հավաքում` ամենաառաջինը պետք է հետաքրքրի հենց նախարար Թորոսյանին, որ սուր է ճոճում ընդդեմ կոռուպցիայի, բայց հենց իր քթի տակ նման գործարքներ են լինում: Այս տարվա մարտին էլ ԱԱԾ-ն կաշառք ստանալու պահին աշխատասենյակում ձերբակալեց առողջապահության փոխնախարար Արսեն Դավթյանին:

ArmLur.am-ի հարցմանը՝ «Շարունակո՞ւմ է արդյոք առողջապահության նախարար Արսեն Թորոսյանը վստահել իր կողմից նշանակված կադրերին, առավել ևս` իր ընկերներին, և երաշխավորել նրանց օրինական աշխատանքի համար, թե՞ ոչ», Առողջապահության նախարարության գլխավոր քարտուղարի տեղակալ Վահե Հակոբյանը պատասխանել է. «Նախարարությունը նման տեղեկատվության չի տիրապետում: Եթե առկա են փաստեր, խնդրում ենք գրավոր ներկայացնել»: Ահավասիկ գրավոր փաստերը»,-գրում է թերթը:

Մանրամասները՝ թերթի այսօրվա համարում:

spot_imgspot_img
spot_imgspot_img

Նմանատիպ

Նմանատիպ

Նոր լայնածավալ հարձակում Ուկրաինայում․միջազգային ամփոփ լրահոս

Տարածաշրջանային և միջազգային կարևոր զարգացումները Times.am-ի դիտակետից։ Ի՞նչ է...

Ադրբեջանն ամբողջությամբ անջատել է Արցախի գազամատակարարումը

Ադրբեջանն ամբողջությամբ անջատել է Հայաստանից Արցախ գազամատակարարումը: Դրանով պայմանավորված՝...

Ռուսաստանում կարող է ևս 500 հազար մարդ մոբիլիզացվել

Ուկրաինայի ռազմածովային ուժերի շտաբի պետի տեղակալ Անդրեյ Ռիժենկոն հայտարարել...