Հայաստանի ձյուդոյի առաջնության չեմպիոնները հայտնի են
18/11/2019 15:49
Նմանատիպ
ԵՐԵՎԱՆ, 18 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի ձյուդոյի առաջնության հաղթողների անունները հայտնի են:
«Արմենպրես»-ի հաղորդմամբ` ըստ քաշային կարգերի երկրի չեմպիոններ են դարձել Յուրի Իսրայելյանը (60կգ), Տիգրան Բադալյանը (66 կգ), Մերուժան Սարգսյանը (73 կգ), Բորիս Շատվերյանը (81 կգ), Վարդան Խաչատրյանը (90 կգ), Արման Ավանեսյանը (90+ կգ): Կանանց պայքարում երկրի չեմպիոններն են հռչակվել` Սոսե Բալասանյանը (52 կգ) և Վարսենիկ Գրիգորյանը (52 + կգ):
Առաջիկայում կձևավորվի հավաքական թիմը, որ Հայաստանը կներկայացնի միջազգային հարթակներում:
Լուսանկարը`armnoc
