Հորդորում ենք ԱԺ փոխնախագահ Ալեն Սիմոնյանին չպիտակավորել որևէ լրատվականի. «Մեդիա Պաշտպան»
Նմանատիպ
ԵՐԵՎԱՆ, 5 ՓԵՏՐՎԱՐԻ, Times.am: Ըստ մամուլի հրապարակման՝ ԱԺ փոխնախագահ Ալեն Սիմոնյանը լրագրողների հետ զրույցում ասել է. «Ամո՞թ չի, էդ ի՞նչ լրատվամիջոցներում եք աշխատում»։ «Մեդիա Պաշտպան» նախաձեռնությունն անընդունելի է համարում լրագրողների և լրատվականների նկատմամբ նման ձևակերպումները։
«Մեդիա Պաշտպան» նախաձեռնությունը հորդորում է Ալեն Սիմոնյանին չպիտակավորել որևէ լրատվականի։ ԱԺ փոխնախագահի գործառույթների կամ լիազորությունների մեջ չի մտնում որոշել, թե ո՞ր լրատվականն ինչպիսին է և թե լրագրողը որտեղ և որ լրատվականում պետք է աշխատի։
Հիշեցնում ենք, որ լրագրողներն ունեն հարց տալու իրավունք, իսկ քաղաքական գործիչները կարող են հարցերին չպատասխանել, բայց դա չի նշանակում, որ քաղաքական գործիչները կարող են պիտակավորել լրագրողների և լրատվականների գործունեությունը։
Հետևեք մեզ նաև Telegram-ում