Նախագահ Սարգսյանը հույս ունի, որ հայ-վրացական համագործակցությունն արդյունավետ կլինի

ՀՀ Նախագահ Սերժ Սարգսյանը հուլիսի 1-ին ընդունել է Վրաստանի ներքին գործերի նախարար Իրակլի Ղարիբաշվիլիին: Այս մասին տեղեկացնում են ՀՀ Նախագահի մամուլի գրասենյակի:

Ըստ աղբյուրի, երկկողմ հարաբերությունների ամրապնդման գործում Հանրապետության Նախագահը կարևորել է բարձրաստիճան այցելությունները և հույս հայտնել, որ Վրաստանի ներքին գործերի նախարարի այցն ու դրա շրջանակներում ոստիկանության և ազգային անվտանգության ծառայության հայ գործընկերների հետ նրա հանդիպումներն օգտակար և արդյունավետ կլինեն՝ խորացնելով այդ ոլորտներում համագործակցությունը:

Հանդիպմանը ՀՀ Նախագահը և Վրաստանի ՆԳ նախարարը մտքեր են փոխանակել նաև տարածաշրջանի անվտանգությանը վերաբերող խնդիրների շուրջ: