«Նիկոլ Փաշինյանն իշխանությունը բերել է «մարտական պատրաստվածության»։ Կառավարության մեր աղբյուրը փոխանցում է, որ ուժային կառույցների ղեկավարների փոփոխությունից հետո վարչապետը հրահանգել է գերատեսչությունների ղեկավարներին իրենց «թափ տալ», դրական որոշակի ցուցանիշներ ներկայացնել՝ հանրության աչքում նախկին վստահությունը վերականգնելու համար։
Ավելին, զգուշացվել է, որ ովքեր կփորձեն այլ «խաղեր» տալ, անմիջապես կազատվեն նախկին ռեժիմի այդ «մնացորդներից»։
Նույն աղբյուրի պնդմամբ, Փաշինյանը նաև քաղաքական մրցակիցների հանդեպ անհանդուրժողականության հերթական սերմերն է ցանել։ Կա հստակ ուղերձ՝ բոլորի նախկին ու ներկա մեղքերը «փռել» հանրության առաջ, թափ հաղորդել քրեական գործերին, չխնայել ոչ մեկին։ Եվ ամենակարևորը՝ ամեն ինչ պետք է անձամբ իր հետ համաձայնեցնել, ոչինչ չանել առանց իր գիտության, իսկ իր հրահանգներից շեղվողներին հեռացնել աշխատանքից»,-գրում է թերթը:
Մանրամասները՝ թերթի այսօրվա համարում։
