Անգլիացի լրագրողի ենթադրությամբ «Շախտյոր»-ն այդքան Էլ չի ցանկանում զրկվել Մխիթարյանից

Դոնեցկի «Շախտյոր» ֆուտբոլի ակումբի սեփականատեր, ուկրաինացի գործարար Ռինատ Ախմետովն առանձնապես չի ցանկանում վաճառել այս թիմի եւ Հայաստանի ֆուտբոլի ազգային հավաքականի խաղացող Հենրիկ Մխիթարյանին: Այս մասին, ինչպես հաղորդում է «Արմենպրես»-ը, գրում է Guardian-ը: Լրագրողի վերլուծության համաձայն, այս պատճառով Է, որ «Շախտյոր»-ից այլ ակումբ Հենրիկ Մխիթարյանի տեղափոխման հետ կապված պատմությունը դարձել Է ֆուտբոլի ամառային տրանսֆերների լեգենդը: Նա նշում Է, որ առ այսօր Ռինատ Ախմետովը երբեք չի եղել նման ճնշման տակ, ինչը եւ համապատասխան հարցեր Է առաջացրել’ անորոշություն ստեղծելով «Լիվերպուլ» ակումբ Մխիթարյանի տեղափոխման հարցում:

Վերլուծաբանը, գնահատելով Մխիթարյանին որպես բարձրակարգ ֆուտբոլիստի, տեղեկացնում Է նաեւ, որ բրազիլիացի 2 ֆուտբոլիստներ՝ Պաուլինյոն եւ Ֆերնանդինյոն շուտով հանդես են գալու Անգլիայի ֆուտբոլի պրեմիեր-լիգայում եւ չի բացառում,որ Մխիթարյանը կմիանա նրանց:

Ֆերնանդինյոյին 30 միլիոն ֆունտ ստեռլինգ գումարով գնել Է «Մանչեսթեր Սիթի»-ն, իսկ Պաուլինյոյի համար Լոնդոնի «Տոտենհեմ»-ը վճարել Է 17 միլիոն ֆունտ: