Համակարծիք չլինելով քաղաքական թիմի դիրքորոշման հետ՝ դուրս «Իմ քայլը» խմբակցությունից․ Վարդան Աթաբեկյան

ԵՐԵՎԱՆ, 13 ՆՈՅԵՄԲԵՐԻ, Times.am: Ինչպես ժողովրդի ճնշող մեծամասնությունը, այնպես էլ ես` մամուլից եմ տեղեկացել ստորագրված հայտարարության մասին։ Այս մասին ֆեյսբուքյան իր էջում գրել է ԱԺ «Իմ քայլը» խմբակցության պատգամավոր Վարդան Աթաբեկյանը՝ անդրադառնալով ավելի վաղ խմբակցության կողմից հրապարակված հայտարարությանը։

«Համակարծիք չլինելով քաղաքական թիմի դիրքորոշման հետ՝ հայտարարում եմ.

1. Դուրս եմ գալիս ԱԺ «Իմ Քայլը» խմբակցությունից և այսուհետ գործելու եմ որպես անկախ պատգամավոր։

2. Հետագա պատգամավորական գործունեությունս ուղղելու եմ ստեղծված իրավիճակից հնարավորինս քիչ կորուստներով դուրս գալուն և լծվելու եմ արցախահայության խնդիրների լուծմանը։ Միմիայն այս պատճառով է, որ պատգամավորական մանդատս վայր չեմ դնում։

Աստված մեզ պահապան»,- գրել է Աթաբեկյանը։