«Ժողովուրդ». Հայաստանում երկար տարիներ գործող ավիաընկերությունը սնանկ է ճանաչվել
Նմանատիպ
««Ժողովուրդ» օրաթերթը տեղեկացավ, որ սնանկ է ճանաչվել Հայաստանում երկար տարիներ գործող «Ատլանտիս Յուրոփիան Էյրվեյզ» ավիաընկերությունը:
Տեղեկացնենք, որ «Ատլանտիս Յուրոփիան Էյրվեյզ» ավիաընկերությունը մինչ այս էր ընկել լուրջ խնդիրների մեջ:
«Ժողովուրդ» օրաթերթը գրել էր, որ ավիաընկերության ինքնաթիռները տևական ժամանակ կանգնած են մնացել, անգամ լուրեր էին շրջանառվում, որ դրանք կապարակնքվել են (պլոմբվել):
Պատճառը, ըստ որոշ տեղեկությունների, ֆինանսական խնդիրներն են: Բացի այս, համառորեն լուրեր էին շրջանառվում նաև այն մասին, որ նշված ընկերության աշխատողներն երկար ժամանակ աշխատավարձ չեն ստացել:
«Ժողովուրդ» օրաթերթը տեղեկացավ, որ ՀՀ սնանկության դատարանի վճիռը օրինական ուժի մեջ է մտել այս տարվա սեպտեմբերի 15-ին: Նույն դատարանի սեպտեմբերի 23-ի որոշմամբ նշված սնանկության գործով կառավարիչ է նշանակվել Հովհաննես Եղյանը:
Իսկ ընկերությանը սնանկ ճանաչելու պահանջով դատարան է դիմել հայաստանյան առևտրային բանկերից մեկը, որին ավիաընկերությունը պարտք է շուրջ 5 մլն դրամ»,-գրում է թերթը:
Մանրամասները՝ թերթի այսօրվա համարում:
Հետևեք մեզ նաև Telegram-ում