ԵՐԵՎԱՆ, ԴԵԿՏԵՄԲԵՐԻ 11, Times․am: Ղազախստանի նախկին նախագահ Նուրսուլթան Նազարբաևը, որը նաև եղել է Ղազախական ԽՍՀ կենտկոմի վերջին ղեկավարը, «Россия 24»-ի եթերում նշել է ԽՍՀՄ փլուզման պատճառները։ Այս մասին հայտնում է РИА Новости-ն։
Նրա խոսքերով՝ այն ժամանակվա էլիտային չհերիքեց քաղաքական կամքը, դրան գումարվեց նաև այն, որ սոցիալիստական տնտեսությունը սպառել էր իրեն։
«Տնտեսական բլոկի ղեկավարությունը պետք է ժամանակին նկատեր այդ խնդիրները և կառավարման համակարգում կատարեր փոփոխություններ»,-ասել է Նազարբաևը, նշելով, որ փոփոխությունները պետք է արվեին կարգապահության և ուժեղ ղեկավարման պայմաններում։
Նա բերել է Չինաստանի օրինակը, որտեղ հաջողվեց վերափոխել տնտեսությունը կապիտալիստական բնույթի։
Նազարբաևը նշել է նաև Մերձբալթյան ԽՍՀ երկրներին, որոնք նրա կարծիքով, ԽՍՀՄ-ին միացված էին արհեստական և ունեին ավելի բարձր կենսամակարդակ, քան մյուս հանրապետությունները։
