ԵՐԵՎԱՆ, ԴԵԿՏԵՄԲԵՐԻ 20, Times․am: ԱԱԾ նախկին տնօրեն, «Հայրենիք» կուսակցության նախագահ, «Պատիվ ունեմ» խմբակցության ղեկավար Արթուր Վանեցյանն այսօր առավոտյան այցելել է Մամիկոն Ասլանյանին։
«Այսօր առավոտյան այցելեցի «Վարդաշեն» քրեակատարողական հիմնարկ, որտեղ շինծու քրեական գործի շրջանակներում ապօրինաբար պահվում է Վանաձորի ընտրված ավագանի (համոզված եմ ապագա քաղաքապետ) Մամիկոն Ասլանյանը։
Մամիկոնը խնդրեց փոխանցել իր հազարավոր համախոհներին, որ իր տրամադրությունը մարտական է, կամքն անկոտրում է և պայքարը շարունակելու է մինչև վանաձորցու վերջնական հաղթանակ»,-հայտնել է Վանեցյանը։
