Մեդվեդևը Ուկրաինայի ռազմական գործողությունները համարել է լուծված

ԵՐԵՎԱՆ, ՀՈՒԼԻՍԻ 9, Times․am: Դոնբասի Հանրապետության բնակիչների պաշտպանության համար Ուկրաինայում սկսված ռազմական գործողություններից հետո Ռուսաստանի հետ սկսել են հաշվի նստել այնպես, ինչպես ժամանակին Խորհրդային Միության հետ։ Այս մասին հայտարարել է ՌԴ անվտանգության խորհրդի նախագահի տեղակալ Դմիտրի Մեդվեդևը։

«Ռուսաստանի հետ սկսել են հաշվի նստել այնպես, ինչպես ժամանակին Խորհրդային Միության հետ, այս մասին կարելի է դատել նույնիսկ պատժամիջոցների լրջության փաթեթից։ Բոլորովին վերջերս իրավիճակն այլ էր»,-ասել է նա։

Մեդվեդևը նշել է, որ Ռուսաստանը լինելով G8-ի անդամ, չի հրավիրվել յոթնյակի հանդիպմանը, որտեղ քննարկվել են արևմտյան երկրների պաշտպանությանն ու տնտեսությանը վերաբերող հարցեր։

Մեդվեդև կարծում է, որ վատ է երբ երկրի հետ հաշվի չեն նստում և բացատրել է, թե ինչու է կարևոր, որպեսզի պետությանը հարգեն։

«Ինչպես մանկության ժամանակ, երբ հարևան բակից գալիս են քո բակ կռվելու համար։ Եթե դու վախենում ես ու փախնում տուն, էլ ոչ ոք քեզ ոչ մի տեղ չի հրավիրի, իսկ երբ դու հարվածում ես առաջինը, ապա քո հաղթանակի շանսերը մեծանում են»,-շեշտել է նա։