ԵՐԵՎԱՆ, ՀՈՒԼԻՍԻ 18, Times․am: Հուլիսի 17-ին, ժամը 01.25-ին, հիվանդանոցից ոստիկանություն հաղորդում է ստացվել, որ ոտնաթաթի վնասվածքով բուժօգնության է դիմել 46-ամյա տղամարդ: Այս մասին հայտնում է ՀՀ ոստիկանության լրատվության բաժինը։
«Ոստիկանության Թումանյանի բաժնի օպերատիվ խումբը պարզել է, որ նա ժամը 17.30-ի սահմաններում Շնող գյուղի վարչական տարածքի հանդամասում իր օդամղիչ հրացանը ձեռքին քայլելիս զառիթափ տեղանքում սայթաքել է՝ անզգուշորեն քաշելով հրացանի ձգանը, ինչի հետևանքով ստացել է մարմնական վնասվածք:
Կազմված փաստաթղթերն ուղարկվել են նախաքննական մարմին»,-ասված է հաղորդագրության մեջ:
