Իրանն աջակցում է Հայաստանի տարածքային ամբողջականությանն ու ինքնիշխանությանը

ԵՐԵՎԱՆ, ՀՈԿՏԵՄԲԵՐԻ 11, Times․am: Հայաստանի Ազգային ժողովի Հայաստան-Իրան բերեկամական խմբի ղեկավար Գևորգ Պապոյանի գլխավորած պատվիրակությունը Իրանում հանդիպել է Մեջլիսի փոխնախագահ Աբդոլռեզա Մեսրիի հետ: Այս մասին հայտնում է 1lurer.am-ը։

Իրանցի պաշտոնյան մատնանշել է երկու ժողովուրդների դարավոր կապերն ու ընդգծել, որ երկկողմ բարեկամական ու ջերմ փոխառնչությունները կշարունակվեն:

Իրանի Մեջլիսի փոխնախագահը կարևորել է հատկապես տնտեսական ոլորտում միմյանց փոխլրացնող հնարավորություններից օգտվելը: Մեսրին շեշտել է, որ Իրանը աջակցում է ՀՀ տարածքային ամբողջականությանն ու ազգային ինքնիշխանությանը: