Փրկարարները օգնել են 9-ամյա տղային իջնել ծառից
14/09/2013 15:20
Նմանատիպ
Երեւանի Դավթաշեն վարչական շրջանից սեպտեմբերի 13-ին, ժամը 16.01-ին ահազանգ է ստացվել, որ 2-րդ թաղամասի թիվ 30 շենքի մոտակայքում 9-ամյա տղան բարձրացել է բալենու ծառը և չի կարողանում իջնել. անհրաժեշտ է փրկարարների օգնությունը: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ:
Հրշեջ-փրկարարները, մոտ 3 մ բարձրությամբ ծառից ցած են իջեցրել Ս. Փ.-ին (ծնվ. 2004 թ.-ին):