Եվրոպայում անվտանգության եւ համագործակցության կազմակերպության Հայաստանի Հանրապետության առաքելությունում նախատեսվում է ՀՀ ՊՆ ներկայացուցչի հաստիք ստեղծել: Ինչպես հաղորդում է «Times.am»-ը, հարցն ընդգրկված է ՀՀ կառավարության՝ սեպտեմբերի 19-ին կայանալիք նիստի օրակարգում:
Ըստ ՀՀ կառավարության պաշտոնական կայքում տեղադրված զեկույցի՝ համապատասխան որոշումն ուժի մեջ կմտնի 2014թ.-ի հունվարի 1-ից: Կառավարությանն առաջարկվում է «2014 թվականի հունվարի 1-ից հաստատել Եվրոպայում անվտանգության և համագործակցության կազմակերպությունում Հայաստանի Հանրապետության առաքելությունում Հայաստանի Հանրապետության պաշտպանության նախարարության ներկայացուցչի հաստիք»: Զեկուցողն է ՀՀ պաշտպանության նախարար Սեյրան Օհանյանը:
