Շաբաթապահքը կմեկնարկի այս կիրակի

Հայ Առաքելական Եկեղեցին սեպտեմբերի 22-ից կտոնի Վարագա Սուրբ Խաչի տոնի Բարեկենդանը, այսինքն’ կիրակի երեկոյից սկսվում է շաբաթապահքը: Ինչպես «Արմենպրես»-ը տեղեկացավ Արարատյան հայրապետական թեմի «qahana.am» կայքից’պահեցողները դուրս կգան պահքից արդեն մյուս կիրակի՝ մասնակցելով Սոիրբ Պատարագին և հաղորդվելով: Այս կիրակին նախորդում է պահքին, որը նվիրված է Վարագա լեռան վրա Սուրբ Խաչափայտի մասունքը գտնելուն: Ավանդույթի համաձայն՝ տեսիլքով հռիփսիմյան կույսերին երևում է Սուրբ Աստվածածինը և պատվիրում մեկնել Արարատյան երկիր’ Հայաստան: Կույսերը գալիս են Վաղարշապատ: Ճանապարհին, Վարագա լեռան մոտով անցնելիս, Հռիփսիմեն իր պարանոցի Սուրբ Խաչափայտից մի մասունք ամփոփում է հայոց հողում: Այդ մասունքը հրաշքով գտնվում է 7-րդ դարում, որից հետո Հայ Առաքելական Եկեղեցին խաչի տոների շարքում սկսում է տոնել նաև Վարագա խաչի տոնը: