Պաշտոնական Մոսկվան անհանգստություն է հայտնել ԵՄ-ի կոչի վերաբերյալ, որով առաջարկում է «Հարավային հոսքի» երկրներին վերանայել Ռուսաստանի և ծրագրին մասնակից երկրների համաձայնագիրը: Այս մասին «Политика» սերբական թերթի հետ զրույցում հայտարարել է Ռուսաստանի արտաքին գործերի նախարար Սերգեյ Լավրովը:
«Նպաստելով եվրոպական երկրներ գազ մատակարարելու ուղիների բազմազանեցմանը’ Հարավային հոսքը Ռուսաստանի ծանրակշիռ ներդրումն է Եվրոպայի էներգետիկ անվտանգության համակարգի ապահովման գործում »,-նշել է Լավրովը’ հավելելով, որ Սերբիայի պարագայում խոսքը գնում է նաև երկու միլիարդ դոլար ներդրումների մասին:
«Այս համատեքստում Բրյուսելի’ Ռուաստանի և Հարավային հոսք նախագծի երկրների միջև միջկառավարական համաձայնագրերի վերանայման որոշումը դրանք համապատասխանեցնել ԵՄ-ի երրորդ էներգափաթեթին, զարմանք և անհանգստություն է առաջացնում:
Ակնհայտ է, որ ԵՄ-ի օրենսդրությունը չպետք է հետընթաց կերպով խոչընդոտի նախկինում արդեն ձեռք բերված համաձայնագրերի կատարմանը », – ասաց Լավրովը ‘ հիշեցնելով, որ վերը թվարկված համաձայնագրերը միջազգային իրավունքի անբաժանելի մասն են և մեկ կողմի որոշմամբ չեն կարող փոփոխությունների ենթարկվել:
Անդրադառնալով ԵՄ-ՌԴ հարաբերություններին’ Լավրովը նշեց, որ երկու ուժերի միջև հարաբերություններում քիչ խնդիրներ չեն կուտակվել, որոնք կապված են նաև Արևելյան գործընկերության շրջանակներում ԵՄ-ի վարած քաղաքականության հետ:Լավրովը նշել է, որ այդ հարցերը բաց կոնտեքստով քննարկվել են վերջերս կայացած ԵՄ-ՌԴ խորհրդաժողովի ժամանակ:
