Ոսկերիչները մտադիր են գործադուլ անել և փակել ոսկու շուկայի մուտքը
Նմանատիպ
Ըստ «Ժողովուրդ»-ի տեղեկությունների՝ Երևանի ոսկու շուկայի սեփականատեր Վաղարշ Աբրահամյանն օրեր առաջ անձամբ շրջելով ոսկերիչների աշխատասենյակներով, բոլորից պահանջել է վճարել տաղավարների ավելացած վարձերը՝ պատճառաբանելով, որ ընկերության հարկային պարտավորությունները բարձրացել են և այլ ելք չկա: Նախկինում սա նրա փոխարեն անում էին աշխատակիցները, որոնց սկսել են շուկայում չենթարկվել: Դրա համար Վաղարշն անձամբ է գործի անցել: Թեև մինչ այդ նա բոլոր ոսկերիչներին առանձին-առանձին կանչել էր իր աշխատասենյակ և հորդորել՝ տաղավարների ավելացած վարձերը վճարել բարձրացված գնով:
Նա անհատական հանդիպումների ժամանակ պատճառաբանել էր, թե թանկացումներն անհրաժեշտ են էլեկտրաէներգիայի ենթակայան կառուցելու համար: Սակայն դժգոհ ոսկերիչները «Ժողովուրդ»-ի հետ զրույցում հայտարարել են, որ առաջիկայում մտադիր են գործադուլ անել և փակել ոսկու շուկայի մուտքը: Նրանք մտադիր չեն տաղավարների համար վճարել 60-100 տոկոսով բարձ գին:
Հետևեք մեզ նաև Telegram-ում