Աշոտյանն ինձ նախանձում է. Լյուդմիլա Սարգսյան

Նախօրեին ՀՀ կրթության և գիտության նախարար Արմեն Աշոտյանը ԱԺ հարցուպատասխանի ժամանակ անդրադարձել էր նաև ԱԺ ՀԱԿ խմբակցության անդամ Լյուդմիլա Սարգսյանի՝ մինչև այսօր ուսանող լինելու փաստին:

«Ամենաքաղաքականացված ուսանողը ձեր խմբակցության անդամ հարգելի տիկին Լյուդմիլա Սարգսյանն է, ամենաընդդիմադիր խմբակցություններից մեկի միակ կին պատգամավորն է»,-նշել էր նախարարը:

Լ. Սարգսյանը «Ժողովուրդ»-ի թղթակցի հետ զրույցում պատասխանելով Ա. Աշոտյանին կատակել է. «Ինձ թվում է, որ ինքը ինձ նախանձում է, որովհետև ինքը հասկանում է, որ արդեն նախկին նախարարը չի կարող ուսանող լինել, իսկ ուսանողը դեռ նախարար լինելու բոլոր հնարավորություններն ունի»: