Խորդի Ալբա. Նախորդ փուլից շատ բան ենք սովորել

«Բարսելոնայի» պաշտպան Խորդի Ալբան ևս մեկնաբանել է Չեմպիոնների լիգայի վիճակահանության արդյունքները: ՈւԵՖԱ-ի պաշտոնական կայքի հետ զրույցում Ալբան ասել է.

««ՊՍԺ»-ն դասվում է բարդ մրցակիցների թվին, սակայն ես գոհ եմ վիճակահանությունից: Նախորդ փուլից մենք շատ բան ենք սովորել և պետք է խուսափեք սխալներից, որոնք արդեն գործել ենք: Հույս ունենք հաղթել և շարունակել պայքարը:

«ՊՍԺ»-ն կազմակերպված թիմ է` լավ պաշտպանությամբ և հիանալի հարձակվողներով: Փարիզեցիների կազմում կան այնպիսի ֆուտբոլիստներ, ինչպիսիք են Մոուրան, Սիլվան, Լավեսին,  Իբրահիմովիչը և այժմ նաև Դևիդ Բեքհեմը: Այս զույգում մրցելու են երկու բոլորովին տարբեր թիմեր»: