«Լիվերպուլի» գլխավոր մարզիչ Բրենդան Ռոջերսը Պրեմիեր լիգայի շրջանակներում «Սաութեմփթոնից» կրած պարտությունից հետո ընդգծել է իր թիմի պաշտպանական գծի ոչ հաջող խաղը:
-Մենք պարզապես այսօր այնքան էլ լավը չէինք: Մենք սկսեցինք խաղալ միայն այն ժամանակ, երբ մրցակիցն առջևում էր արդեն 2-0 հաշվով: Մենք այդքան էլ հաջող չպաշտպանվեցինք, բայց պետք է ընդգծել նաև «Սաութեմփթոնի» հաջող խաղը, որը հիանալի ֆուտբոլ ցուցադրեց:
Անկասկած, պաշտպանությունը այն դիրքն է, որտեղ մենք պետք է ավելի լավ խաղանք: Դա պատճառներից մեկն է, որը մեզ ստիպեց նորից օգտագործել Կարագերին: Ես գիտեմ, որ սա այն գծերից մեկն է, որը համալրում ու առաջխաղացում է պահանջում:
Այս շաբաթ բախտը մեզնից երես էր թեքել. որոշ ֆուտբոլիստների անհանգստացնում էին վնասվածքները, ինչպես, օրինակ, Լուկասին, ով խաղադաշտ մտավ միայն երկրորդ կեսում ու հիանալի խաղաց: Սա անհաջող օր էր մեզ համար, ու առաջիկա երկու շաբաթների ընթացքում պետք է ձգտենք շտկել սխալները,- ասել է Ռոջերսը:
