«Արսենալի» գլխավոր մարզիչ Արսեն Վենգերը պատրաստվում է ամռանը թիմում դարպասապահների նոր մարզչի հրավիրել:
Ինչպես հաղորդում է Sunday Mirror-ը, ֆրանսիացի մասնագետը ցանկանում է փոխել վերջին տարիներին թիմի դարպասապահների շուրջ ստեղծված ոչ հաջող իրավիճակը: Սակայն դեռ հայտնի չէ, թե, նոր մարզչի գալու դեպքում, կառաջարկվի արդյոք նոր պայմանագիր դարպասապահների ներկայիս մարզիչ Ջերի Պեյտոնին, թե ոչ:
Պարբերականը նաև նշում է, որ վերջին ժամանակներս «կանոնիերների» մարզաբազայում եղել են թիմի նախկին դարպասապահներ Յենս Լեմանն ու Դևիդ Սիմենը, ովքեր կարող են համալրել լոնդոնյան ակումբի մարզչական շտաբը:
