Նեյմար. «Ռեալում» ինձ լավ էի զգում, բայց մնալ այնտեղ չցանկացա

Իսպանական լրատվամիջոցները հաղորդում են, որ «Սանթոսի» երիտասարդ աստղ Նեյմարը ժամանակին շատ մոտ է եղել «Ռեալ» տեղափոխվելուն: «Արքայական» ակումբի ներկայացուցիչները նկատել են Նեյմարի տաղանդը, երբ նա դեռ հանդես է եկել պատանեկան թիմում: Բրազիլացուն հրավիրել են «Ռեալ», որպեսզի ծանոթանա ակումբին և պայմանագիր կնքի:

«Հիանալի ժամանակ եմ անցկացրել Մադրիդում և «Ռեալում»: Ամեն ինչ հոյակապ էր, բայց ես շատ փոքր էի և կարոտում էի ընտանիքիս: «Ռեալը» մեծագույն ակումբ է, բայց այդ պահին ես չէի ցանկանում մնալ այնտեղ»,-ասել է Նեյմարը: