Ռոնալդուն խուսափել է այն հարցից, թե երջանիկ է արդյոք «Ռեալում»

Համաշխարհային ֆուտբոլային հանրությանը շարունակում է մտահոգել այն հարցը, թե «Ռեալի» առաջատար Կրիշտիանու Ռոնալդուն այժմ երջանիկ է արդյոք մադրիդյան ակումբում, հաղորդում են իսպանական ԶԼՄ-ները:

Այն բանից հետո, երբ պորտուգալացուն հանձնել են Ալֆրեդո դի Ստեֆանոյի անվան մրցանակը, որը տրվում է Իսպանիայի տարվա լավագույն ֆուտբոլիստին, նրան հարցրել են, թե այժմ երջանիկ է արդյոք «Ռեալում»: Նրա պատասխանը կարճ էր, սակայն ոչ այդքան հասկանալի: -Հմմմ,- ասել է նա:

Հիշեցնենք, որ նախկինում Ռոնալդուն հայտարարել էր, որ երջանիկ չէ Մադրիդում: Տեղեկացվում էր, թե նա ակումբի նախագահ Ֆլորենտինո Պերեսին խնդրել է նույնիսկ վաճառել իրեն: