Բրազիլիայի հավաքականի պաշտպան Տիագու Սիլվան Իտալիայի հետ ընկերական հանդիպումից առաջ խոսել է մրցակցի հարձակվող Մարիո Բալոտելլիի նկատմամբ զգոն լինելու մասին, հաղորդում են իտալական ԶԼՄ-ները:
-Ես որոշ չափով ծանոթ եմ Մարիոյի հետ: Նա շատ ուժեղ խաղային հատկանիշներ ունի: Այժմ նա իր խաղային մակարդակը ցուցադրում է «Միլանում»: Պետք է ասել, որ նա հաջող էր հանդես գալիս նաև «Ինտերի» կազմում: Այնպես որ, շատ ուշադիր պետք է լինենք նրա նկատմամբ: Նա շատ վտանգավոր խաղացող է, ով կարող է վտանգավոր պահեր ստեղծել ու անձամբ էլ դրանք գոլային ավարտի հասցնել,- ասել է Սիլվան:
