Գերմանիայի հավաքականի կիսապաշտպան Բաստիան Շվայնշտայգերը չի բացառում, որ ապագայում իր թիմը կարող է ցուցադրել այն մակարդակի ֆուտբոլ, որը վերջին տարիներին ցուցադրում է Իսպանիայի ընտրանին, հաղորդում են գերմանական ԶԼՄ-ները:
Հիշեցնենք, որ Յոահիմ Լյովի թիմը մարտի 22-ին ընտրական հանդիպում է անցկացնելու Ղազախստանի հավաքականի դեմ:
-Իսպանայի հավաքականը գրեթե կատարյալ ֆուտբոլ է ցուցադրում: Կարծում եմ’ ապագայում մենք ևս կարող ենք այդ մակարդակին հասնել: Մեր մարզիչը տեսնում է, թե որ մարտավարությունն է մեզ ամենից հարմարը: Ընդհանուր առմամբ, մենք այժմ շատ բարձր մակարդակի վրա ենք,- ասել է ֆուտբոլիստը:
