«Էվերթոնը» ցանկանում է պահպանել Մոյեսին

«Էվերթոնի» ներկայացուցիչ Բիլ Կենրայտը հուսով է, որ թիմի գլխավոր մարզիչ Դևիդ Մոյեսը կշարունակի աշխատել «Գուդիսոն Պարկում»:

Մոյեսի պայմանագիրը լիվերպուլյան թիմի հետ ավարտվում է այս մրցաշրջանի վերջում, ու կողմերը մինչև օրս նոր համաձայնագրի շուրջ համաձայնության չեն եկել:

-Հուսով եմ’ յոթ շաբաթ անց, երբ առաջնությունում անցկացնենք վերջին հանդիպումը, Դևիդը նոր պայմանագիր կկնքի ու արդյունքում կմնա ակումբում: Սա նրա համար ամենահեշտ որոշումը չէ, ու մենք մտնում ենք նրա դրության մեջ: Այդուհանդերձ, եթե նա որոշի հեռանալ այստեղից, ապա դա պետք է անի գլուխը բարձր պահած,- ասել է Կենրայտը Sky Sports-ի հետ զրույցում: