Մազինյո. Տիագոն յուրաքանչյուր այլ ակումբում ավելի շատ կխաղար

Բրազիլիայի հավաքականի նախկին ֆուտբոլիստ ու «Բարսելոնայի» ներկայիս կիսապաշտպան Տիագո Ալկանտարայի հայր Մազինյոն այնքան էլ գոհ չէ նրանից, որ իր որդին խաղային քիչ պրակտիկա է ստանում կատալոնական ակումբում, հաղորդում են իսպանական ԶԼՄ-ները: Նա ընդգծել է, որ իր որդին շատ է ցանկանում ավելի հաճախ խաղադաշտ դուրս գալ:

-Տիագոն յուրաքանչյուր այլ ակումբում ավելի շատ կխաղար: Նա շատ ամբիցիոզ է, սակայն գործող պայմանագիր ունի «Բարսելոնայի» հետ: Սակայն, միևնույն ժամանակ, պետք է ընդգծել, որ նա շատ բան է սովորել այդ ակումբում: Նա բավարար ունակություններ ունի, որպեսզի հաջողության հասնի այնտեղ,- ասել է Մազինյոն: