Մեսսի. Հիանալի կլինի` Նեյմարը տեղափոխվի «Բարսելոնա»

«Բարսելոնայի» հարձակվող Լիոնել Մեսսին ցանկություն է հայտնել կատալոնական ակումբում տեսնել «Սանտոսի» հարձակվող Նեյմարին, հաղորդում է իսպանական մամուլը: Արգենտինացին ընդգծել է, որ Բրազիլիայի հավաքականի խաղացողը կամրապնդի թիմի կազմը:

-Ես չգիտեմ’ կգա արդյոք նա «Բարսելոնա»: Այդ հարցի պատասխանը կարող է տալ անձամբ Նեյմարը: Սակայն կարող եմ ասել, որ այդ ֆուտբոլիստը, ով դաշտում վճռորոշ դեր է խաղում ու ունի համապատասխան որակներ, տարբերվում է այլ ֆուտբոլիստներից: Իհարկե, հիանալի կլինի, եթե նա տեղափոխվի «Բարսելոնա»,- ասել է Մեսսին:

Հիշեցնենք’ կատալոնական ակումբն այս պահին բանակցություններ է վարում «Սանտոսի» հետ’ Նեյմարին ձեռք բերելու համար, սակայն կողմերը դեռևս համաձայնության չեն եկել: