Գվարդիոլան ցանկանում է գնել Սուարեսին
24/05/2013 19:14
Նմանատիպ
Մյունխենի «Բավարիայի» ապագա մարզիչ Խոսեպ Գվարդիոլան արդեն իսկ թիմի ուժեղացման ծրագրեր է մշակում:
Mirror-ի հաղորդած տեղեկությունների համաձայն` Գվարդիոլան ցանկանում է «Բավարիայում» տեսնել «Լիվերպուլի» հարձակվող Լուիս Սուարեսին: Հիշեցնենք, որ վերջինս Անգլիայի ֆուտբոլի ֆեդերացիայի կողմից այժմ իր պատիժն է կրում (որակազրկում)` Իվանովիչի ձեռքը կծելու համար:
Թեպետ «Լիվերպուլը» մտադիր չէ վաճառել Սուարեսին, «կարմիրների» գլխավոր մարզիչ Բրենդան Ռոջերսը վերջերս հայտարարել էր, որ ամեն ֆուտբոլիստ իր գինն ունի, իսկ Սուարեսի տրանսֆերն արժե 50 մլն եվրո: Այնպես որ, ամառային տրանսֆերային պատուհանի ժամանակ կողմերն, ամենայն հավանականությամբ, կսկսեն բանակցությունները:
Հետևեք մեզ նաև Telegram-ում
