Կրոյֆը նորից քննադատել է Մոուրինյոյին

Լեգենդար հոլանդացի ֆուտբոլիստ Յոհան Կրոյֆը հերթական անգամ քննադատել է «Ռեալի» արդեն նախկին գլխավոր մարզիչ Ժոզե Մոուրինյոյին:

-Մոուրինյոյի վարքագիծը ազդում է ամբողջ թիմի վրա: «Ռեալը»’ չափազանց ուժեղ ակումբ է, ու միայն Մոուրինյոյի պատճառով է, որ նրանք այս մրցաշրջանում չկարողացան ոչինչ հաղթել,- ասել է Կրոյֆը:

Իսկ Վիկտոր Վալդեսի’ կատալոնական թիմից հեռանալու պատճառները նա չի կարողացել գտնել. «Այսպիսի բաներ երբեմն լինում են: Ճիշտն ասած, ես չեմ հասկանում, թե ինչու է Վիկտորն այդպիսի որոշում ընդունել: Այս հարցում անհասկանալի շատ բաներ կան»,- ավելացրել է հոլանդացին: