Տոնն ավարտված է. «Բավարիան» Եվրոպայում ուժեղագույնն է (տեսանյութ)

Ֆուտբոլային Եվրոպայի համար այնքան սպասված Չեմպիոնների լիգայի 2012/13 մրցաշրջանի եզրափակիչն այլևս պատմություն է:

Եվրոպայում ամենահեղինակավոր մրցաշարի չեմպիոնական տիտղոսի համար պայքարում «Բավարիան» 2:1 հաշվով առավելության հասավ «Բորուսսիայի» նկատմամբ:

Խաղն առաջին իսկ րոպեներից անցավ գերլարված և դիտարժան պայքարում, գոլային դվագները հաջորդում էին մեկը մյուսին, սակայն առաջին խաղակեսի հերոսները թիմերի դարպասապահներն էին. առաջին հերթին Նոյերն, ապա` Վայդենֆելերը:

Երկրորդ խաղակեսի 60-րդ րոպեին հանդիպման հաշիվը բացեց Մանջուկիչը, սակայն Յուրգեն Կլոպի սաները չընկճվեցին բաց թողած գոլից և 8 րոպե անց խփեցին պատասխան գնդակը: Նոյերի դարպասին նշանակված 11 մետրանոց հարվածը հստակ իրացրեց  Գյունդողանը:

Հանդիպման գլխավոր հերոս դարձավ Արյեն Ռոբբենը. հոլանդացին 89-րդ րոպեին ձևակերպեց հանդիպման վերջնական հաշիվը և չեմպիոնություն պարգևեց իր թիմին: