Ռոյս. «Բորուսսիան» չհաղթեց գավաթը, իսկ մնացածը կարևոր չէ

Դորտմունդի «Բորուսսիայի» կիսապաշտպան Մարկո Ռոյսը նշել է, որ Չեմպիոնների լիգայի եզրափակչում իր թիմի անհաջողությունը լրացուցիչ հիմնավորումներ ու բացատրություններ չի պահանջում:

-Ես հիասթափված եմ: Մենք կռվում էինք գավաթի համար, ուստի դժվար է ընդունել այսպիսի պարտությունը, որը տեղի ունեցավ վերջին րոպեին բաց թողած գոլից հետո: Սակայն, բողոքելու անհրաժեշտություն չկա: Մեզ այսօր պետք չէր ինչ-որ հրաշք գործել: Կարծում եմ’ բոլորն էլ տեսան, որ «Բավարիան» այն թիմը չէ, որին անհնար է հաղթել: Առաջին կեսում նրանք մեզ մեծ հարգանքով էին վերաբերվում, ինչին արժանի էինք: Բայց այդտեղ էլ ամեն ինչ ավարտվեց: Մենք չհաղթեցինք գավաթը, իսկ մնացածը կարևոր չէ,- ասել է Ռոյսը:

Հիշեցնենք’ «Բավարիան» երեկ հաղթեց դորտմունդցիներին’ տիրելով Չեմպիոնների լիգայի գավաթին: