Ալվես. Հարգում եմ Կրոյֆին, բայց նա Նեյմարին չի ճանաչում

«Բարսելոնայի» պաշտպան Դանի Ալվեսը միշտ ցանկացել է Բրազիլիայի հավաքականում իր թիմակից Նեյմարին տեսնել կատալոնական ակումբի կազմում: Պաշտպանը վստահություն է հայտնել, որ Նեյմարը ճիշտ է վարվել’ ընտրելով հենց այս թիմը, ու կարծում է, որ նա հաջողությունների կհասնի կատալոնյան ակումբում:

Հիշեցնենք’ «Բարսելոնայի» լեգենդ Յոհան Կրոյֆը նշել էր, որ ինքը չէր ցանկանա գնել երիտասարդ բրազիլացուն’ համարելով, որ նա անհամատեղելի է Լիոնել Մեսսիի հետ:

-Նեյմարը փոփ-աստղ չէ: Նա մրցակցող է, շատ լավ գիտի ակումբի պահանջներն ու գալիս է այստեղ, որպեսզի օգնի թիմին: Նա շատ համեստ է ու համակրելի: Ես հարգում եմ Կրոյֆին, բայց նա չի ճանաչում Նեյմարին: «Բարսելոնայում» մեկ նավի վրա երկու նավապետ չի լինի, Նեյմարը պարզապես ցանկանում է օգտակար լինել,- ասել է Ալվեսը: