Դավիդ Լուիս. Կարիք չկա` ինձ բացատրեն` ո՞վ է Մոուրինյոն

«Չելսիի» պաշտպան Դավիդ Լուիսը խոսել է մամուլում շրջանառվող այն լուրերից, որոնց համաձայն` լոնդոնյան թիմը կրկին մարզելու է Ժոզե Մոուրինյոն, ով մրցաշրջանի ավարտից հետո հեռանալու է «Ռեալից»:

-Լավ կլինի, եթե Մոուրինյոն «Չելսի» վերադառնա. նա մեծ մարզիչ է: Մոուրինյոն շատ հայտնի է աշխարհում, որովհետև միշտ էլ մեծ աշխատանք է կատարել:

Յուրաքանչյուրը կցանկանա աշխատել նրա հետ: Կարիք չկա, որ թիմակիցներս բացատրեն` ո՞վ է նա: Հասկանում եմ ֆուտբոլից և գիտեմ, թե ով է Ժոզե Մոուրինյոն, շատ բան գիտեմ նրա մասին,- ասել է Լուիսը: