Իսկո. «Ռեալը» լավագույններից է, բայց ես ուզում եմ խաղային պրակտիկա ունենալ

«Մալագայի» կիսապաշտպան Իսկոն մեկնաբանել է Մադրիդի «Ռեալի»’ իր ծառայություններով հետաքրքրված լինելու փաստը, հաղորդում են իսպանական ԶԼՄ-ները:

Երկու ակումբների ներկայացուցիչներն այս հարցով արդեն հանդիպել են, սակայն ֆուտբոլիստը ընդգծել է, որ չի ցանկանում սխալվել:

-Իհարկե, «Ռեալը» աշխարհի լավագույն թիմերից մեկն է, սակայն ես ցանկանում եմ խաղային պրակտիկա ունենալ: Հետևաբար, պետք է զգույշ լինեմ, որպեսզի սխալ ընտրություն չկատարեմ: Ի վերջո, ես պետք է ապագայիս վերաբերյալ շատ կարևոր որոշում կայացնեմ: Չեմ թաքցնի, որ այս պահին ես կասկածներ ունեմ: Ու չեմ ցանկանում դժգոհել այն բանից հետո, երբ արդեն զրկված լինեմ խաղային պրակտիկայից,- ասել է Իսկոն: