Ագուերոն հերքել է` տեղափոխվելու է «Ռեալ»
28/05/2013 15:25
Նմանատիպ
«Մանչեսթեր Սիթիի» հարձակվող Սերխիո Ագուերոն հերթական անգամ մեկնաբանել է իր’ «Ռեալ» տեղափոխության հետ կապված խոսակցությունները:
24-ամյա արգենտինացին օրերս նոր պայմանագիր կնքեց «քաղաքայինների» հետ, սակայն դա չդադարեցրեց այն շշուկները, թե Ագուերոն, այդուհանդերձ, կտեղափոխվի «Արքայական» ակումբ:
-Ես ուրախ եմ լինել այս ակումբի մի մասը, որը զարգանում է արագ տեմպերով: Ինձ ամեն ինչ գոհացնում է Մանչեսթերում: Այստեղ ես մոտ երկու տարի եմ անցկացրել ու հաղթել մի քանի տիտղոսներ: Հուսով եմ’ առաջիկայում ևս մեծ հաջողություններ կլինեն:
Ինչ վերաբերում է «Ռեալ» տեղափոխության հետ կապված խոսակցություններին, ապա դրանք ոչ մի հիմք չունեն: Դրանք ուղղակի շշուկներ են: Ես հավատարիմ եմ «Մանչեսթեր Սիթիին», այն մեծագույն ակումբ է,- ասել է Ագուերոն:
Հետևեք մեզ նաև Telegram-ում