Մյուլլեր. Մենք կարող ենք ընդմիշտ մտնել պատմության մեջ

«Բավարիայի» կիսապաշտպան Թոմաս Մյուլլերը Գերմանիայի գավաթի եզրափակչի’ «Շտուտգարտի» հետ հանդիպումից առաջ նշել է, որ ինքն ու իր խաղընկերները կարող են անմահացնել իրենց անունները, եթե նվաճեն այս մրցաշրջանի հնարավոր բոլոր երեք մրցանակները:

-Այժմ Գերմանիայի գավաթը մեզ համար մեծ նշանակություն ունի, քանի որ սա պարզապես մրցանակ չէ, որը պետք է հաղթենք: Մենք կարող ենք մտնել պատմության մեջ: Դա հսկայական մոտիվացիա է մեզ համար, քանի որ «Բավարիան» մեկ մրցաշրջանում չեմպիոնական հեթ-տրիկ դեռ չի ձևակերպել: Մենք շատ ենք ցանկանում հաղթել, որպեսզի անմահացնենք մեր անունները: Եթե հաջողության չհասնենք, հիասթափությունը մեծ կլինի,- ասել է Մյուլլերը:

Հիշեցնենք’ մյունխենցիներն այս մրցաշրջանում արդեն հաղթել են Բունդեսլիգայում ու Չեմպիոնների լիգայում: