Նեյմար. Ռոնալդուի հետ մրցակցելը լրացուցիչ մոտիվացիա է

«Բարսելոնայի» նոր հարձակվող Նեյմարը նշել է, որ շատ ուրախ է ունենալ այնպիսի մրցակից, ինչպիսին Մադրիդի «Ռեալն» է, հաղորդում են իսպանական ԶԼՄ-ները:

«Արքայական» ակումբի կազմում բրազիլացի ֆուտբոլիստը առանձնահատուկ ընդգծել է հարձակվող Կրիշտիանու Ռոնալդուին:

-Ռոնալդուն իսկական աստղ է: Նրա հետ մրցակցելը ինձ համար մեծ պատիվ ու իսկական մոտիվացիա կլինի: Հուսով եմ’ հաղթող դուրս կգամ: Այս պահին ես հանգիստ եմ, քանի որ արդեն նոր ակումբ ունեմ,- ասել է Նեյմարը:

Հիշեցնենք’ «Սանտոսի» նախկին հարձակվողի ծառայություններով հետաքրքրվում էր նաև մադրիդյան ակումբը: