«Ռեալի» ու «Լիվերպուլի» միջև կոնֆլիկտ է հասունանում. կռվախնձորը Սուարեսն է
Նմանատիպ
Կռվախնձորը երկու կողմերի միջև Լուիս Սուարեսն է:
Վերջին ժամանակներս շատ ակտիվ է խոսվում ուրուգվայցու’ «Ռեալ» հնարավոր տեղափոխության մասին: Ֆլորենտինո Պերեսն իբր շատ է հետաքրքրված այդ տրանսֆերով:
Երեկ Marca-ն տեղեկացրեց, թե Սուարեսն ու մադրիդյան ակումբն արդեն համաձայնություն են ձեռք բերել: «Կարմիրների» ճամբարում կտրուկ հերքեցին այդ տեղեկությունը ու միանգամից նշեցին, որ իրենց խաղացողի ու «Ռեալի» միջև ոչ մի շփում չի եղել:
Եթե այդպիսի բան տեղի ունենա, ապա խաղացողը կոպտորեն կխախտի մերսիսայդցիների հետ պայմանագրի կետը, որը արգելում է բանակցություններ վարել այլ ակումբների հետ: Դրա մասին «Արքայական» ակումբը գիտի, բայց չի վախենում «Լիվերպուլի» հետ հարաբերությունները վատթարացնելուց: Այժմ երկու ակումբների միջև կարող է շատ մեծ լարվածություն հասունանալ:
-Ես մտածում եմ իմ ապագայի մասին, բայց դեռ ոչինչ չեմ որոշել,- ասել է Սուարեսը:
Անգլիական ակումբը ամեն ինչ կանի, որպեսզի պահի իր առաջատարին, բայց դա կարող է բավարար չլինել, քանի որ «Ռեալը» ֆուտբոլիստին կարող է ապահովել շատ ավելի շահավետ պայմանագիր, տիտղոսների համար պայքար ու Չեմպիոնների լիգային մասնակցություն:
Հետևեք մեզ նաև Telegram-ում