Հայաստանի հավաքականի ֆուտբոլիստ Մարկոս Պիցցելին այսօր կայացած «բաց» մարզումից հետո պատասխանեց լրագրողների հարցերին:
«Պայքարելու ենք միայն հաղթանակի համար, ուրիշ ոչինչ մեզ չի հետաքրքրում: Դանիան ուժեղ է, բայց մենք էլ ենք ուժեղ: Պետք է մտածենք` գնանք ու հաղթենք:
Մենք երկու տարի լավ խաղացինք, բայց այժմ պետք է մոռանանք անցյալի լավ կամ վատ ելույթների մասին, կենտրոնանանք առաջիկա խաղերի վրա և աշխատենք հաղթանակներ տոնել»,-Մարկոսի խոսքերը մեջբերում է Allsport.am-ի թղթակիցը:
