«Ռեալի» արդեն նախկին կիսապաշտպան Մայքլ Էսսիենը խոսել է իր հին ու նոր գլխավոր մարզիչ Ժոզե Մոուրինյոյի մասին, ում հետ նոր մրցաշրջանից աշխատելու է արդեն «Չելսիում»:
-Մոուրինյոն լավ մարդ է, ով տարված է ֆուտբոլով: Դուք դա կհասկանաք միայն այն ժամանակ, երբ աշխատեք նրա հետ: Ի դեպ, նա շատ բարեկամական է ու նույնիսկ կատակասեր: Բավական է տեսնել մարդկանց արձագանքը, երբ նա հարցազրույց է տալիս:
Պորտուգալացին միշտ լավ հարաբերություններ է ունենում ֆուտբոլիստների հետ, քանի որ մշտապես զրուցում է նրանց հետ: Երբ դու վատ ես խաղում, նա քեզ ասում է այդ մասին ու հաջորդ հանդիպմանը փորձում ես ավելի լավ խաղալ,- ասել է գանացին:
