Ուկրաինական Football.ua կայքը կազմել է իր վարկածով Ուկրաինայի 2012/13 թթ. առաջնության խորհրդանշական հավաքականը: «Շախտյորի» ու Հայաստանի հավաքականի ֆուտբոլիստ Հենրիխ Մխիթարյանը այդտեղ է հայտնվել որպես հարձակվող: Հայ խաղացողի առիթով կայքը գրել է.
-Մրցաշրջանի լավագույն ֆուտբոլիստն ու լավագույն ռմբարկուն մեզ մոտ հայտնվել է հարձակվողի դիրքում, քանի որ նրա դիրքը «Շախտյորում» այդպիսին կարելի է անվանել: Նա շատ ավելի հաճախ է հայտնվում հարվածային դիրքում, քան թիմի նոմինալ հարձակվող Լուիս Ադրիանոն: Իսկ Հենրիխի արդյունավետության մասին թերևս չարժե խոսել,- գրված է կայքում:
