Բրազիլիացի լեգենդար ֆուտբոլիստ Պելեն խոսել է Մոուրինյոյի՝ «Չելսի» վերադարձի մասին և նշել, որ երկրորդ անգամ Սթեմֆորդ Բրիդջում հաջողություն հասնելու համար նրան բախտ է հարկավոր:
-Ես կարծում եմ՝ «Չելսիի» համար լավ է, որովհետև նա լավ մարզիչ է: Ես նրան անձամբ գիտեմ՝ տաղանդավոր և շատ ազնիվ, բայց ես կրկնում եմ՝ ֆուտբոլը անակնկալներով արկղ է: Նա պետք է լավ մարզիչ լինի և հաջողակ, որովհետև ֆուտբոլում երբեմն լավագույնը չի աշխատում: Բայց ես նրան հաջողություն եմ մաղթում,-ասել է Պելեն:
